Psa 12 | YomNWM | STEP | Nkunga Davidi kayimbidila mu ngitala yi nana di zitsinga kuidipfumu minyimbidi. A Yave, yiza sadisa bila batu beti kinzika mambu ma Nzambi basiedi ko. Mikhuikizi mizimbidi va khatitsika yi bana ba batu.

Psalms 12

Nzambi wundedikisanga zitsila ziandi

Nkunga Davidi kayimbidila mu ngitala yi nana di zitsinga kuidipfumu minyimbidi.

1 A Yave, yiza sadisa bila batu beti kinzika
mambu ma Nzambi basiedi ko.
Mikhuikizi mizimbidi va khatitsika yi bana ba batu.
2 Kadika mutu wulembo vuni fikimini yandi.
Mambu ma lueki madi mu bididi biawu
vayi mintima miodi badi sumbu bantuba.
3 Bika Yave kabunga bididi bioso
bintubanga mambu ma lueki
ayi ludimi luntubanga mambu mu luniemo.
4 Batu bobo bantubanga :
“Tuela nunga mu diambu di ludimi lueto,
bididi bieto bidi bieto veka ;
nani wulenda ba Pfumu eto ?”
5 Bila mu diambu di yamusu ku batu balebakana,
ayi kunga ku nsukami ;
diawu Yave kakembi buabu :
“Buabu ndieka ntelama,
ndieka kuba kaka mu diambu di mutu balembo kuba yamisa.”
6 Mambu ma Yave madi mavedila banga palata
kioki bavedisidi mu mbazu,
kivedosolo mu tsambuadi di zikhumbu.
7 Yave ngeyo wela kutu keba mu luvovomo
wela kutu kaka mu diambu di ntindu wu batu baba,
mu thangu yi kayimani.
8 Batu bambimbi beti vemanga muamo
mu thangu bifu bi mbimbi bieti yayusu
va khatitsika batu.